بسم الله الرحمن الرحيم |
ملحـمة مطــير الشـعرية |
|
يا لله يا بانـي وسـيع البنايـه ياللي بـداها قبل كل البــدايه ياللي تولى الخلق باحسن ولايه الواحـد المعبود كل الرجاء فيه يا باسـط البيدا ومذري الذواري تحل ما في خـاطري من طواري تفتح لنا باب السـعد والسفاري واللي يبي باب الفرج له توديـه العـلم صرح وفيه كل المطالـب والصبر فيه يحس به كل طالـب وذل الفتى يجلـب عليه المثالب مـوت بعـز ولا حيـاة تزريـه والنوم ساس اللوم ما يفيد صاحبه ما فاده ما فاد الكذب خسران كاتبه كمن يمسح الموجب ويحفظ لسالبه ومن خالط الجربا على الحول تعديه ينال الفتى بالعلم اسـمى فضيلـه يسـمو بها ذكره ويخـدم لجيلـه وتبقـى بتاريـخ الأمـم والقبيلـه لو مات جـزلات الفضائل تحييـه تبــداء بك الأفكـار قبـل تشيرك والـى عزيت بحال وضّـح مسيرك وانصح لنفسـك قبـل تنصح لغيرك وعلـٍم ما ينفع صاحبه عيب يهديه ما كل من هو يطلب العلم يـدركـه ولا كل من هـو يعرف العدل يسلكه ولا كـل من هو يرصد المال يملكه صعب المطالب عمق الأبحار شاطيه ما تستوي البحرين عـذب ومالـح عند اعتراض أمرين صـالح وطالح دري المفاسـد قبل جلب المصـالح واللي يـدل الـدرب في الليل يسريه الشـعر فن وصـادقـه خالي الظلم واولى بقول الشعر من هو على علم ولا شك توجد حكمة الشعر في الحلم وفالمثل فاقـد الشـي ما يعطيــه الشـعر يوجـد فيه حكمه واناسـه اللـي ابتعـد عـن الهجا واللساسه يـزها كــراريس الأدب والسياسه قـولٍ يكسّـب مـن يبيعه ويشـريه وما فيه رجـل إلا عليه ألف واجـب واجـب يبيّـن مأثـره في الحواجب من لا يعـزز ماقفــه فاللـواجـب تلعب به أمواج البحـر ثم ترميــه حنـا العـرب تاريخنا عطّر الشـام كـم ســجّلت لنـا الليـالي والأيام الروم وايا الفرس من فتح الإسـلام يشـهد جبل طارق وتشهد صـواريه يفّـرض علينا وقتنـا ملحمة مجـد تنطـق بماضينـا على رابية نجــد والحق ما يرضى على الكبت والوجد والماء ما يجري لين تسـنى سوانيه ولا يجـوز يتـرك فعل الأمجاد ضائع هـذي كبيـره من كبار الفضــايع يجــب علينـا رد كـل الصنـايـع الحـق للأمجـاد الأحفـاد تـديــه كثـر التمّـدح فالجالـس سـماجـه إلا بفعـل الصـدق إلى جـات حاجه الصمت طب وهـو غـايـة عـلاجه أن كان خصمـك ما أنت قادر تلاقيه حلمك على اكبـر منك لو كان يمزح لا تقــدّره من شـأن تعـذر وتـدح إلا اللي منـه نطـق بالخبـر صـح وراس ما تقـدر تنطحـه لا تشـاريه غطفـان في التاريـخ كـل عـرفهم فـوق الكواكب كان يرفـع شـرفهـم زهيـر بن سـلمى بشـعره وصفهـم شـاهد من الأجنـاب والحـق يـديّـه أشـجع ومـره عـــدهم من فـزاره جمــرات من جمـر العـرب بالأشاره وفيهم مـن الشـعّـار كان ابـن داره اللي تحمّـل صلح داحـس وما فيــه منهم حذيفـه حـافظ سـر الأســرار ونعيـم بن مســعود نفّـذ بعـد شـار ذولا صحـابة ســيدي خيـر الأخيـار أعلام وأعـــداد الصحابه ما نحصيـه كانـت منازلهـم بشــرق المدينـــه الى جبـل منـــور وحـرة مـزينـه الى القصيــم وكــل عصـر بحينـه ومن فــاته التـاريخ لابــد قاريــه العبـدلي من ســاس عـدنان جــده وبالإنتمـى لمطيـــر يعتــد عــده ولــولا التبــاس الأمـر ما بـاح سده والصـدق نـور وطالـب الحـق يرضيه كـــان لبني عبـد الله أول وفـــاده على الرســول اللي عطـاهم شـهاده اســم من الأســـماء ورمـز العباده من وقتهــا وارجـالهـا تحتفـظ فيـه الاد عــون أول مســـمى تســمى بالعبـدلي من بيـن غطفــان جمـــا هـــم والكوامـل صـاروا أولاد عمـا ثـابت نســبهم والتـواريخ تمليـــه الاد عـون الى نبـى كـــل صــارم تبنى بيـوت العــز دون المحــارم مبلـش ومتعــب حظهـم كـان قايـم عقـاب وابو قـرنين جـو بالقضى فيـه مبلش بنـى بيـت لحـرب الســـكارى اللي ما تــرحم باكيـــات العــذارى في ســـاعةٍ فيها تشــيب الصغـارى حظــه قعـــد باللي جــواده يوديه عبّـــاد ابـو قــرنيـن كـل يهابـه أنشـد سـليم القـوم وانشــد شـبابه في ســاقته تشـــبع هزالى الذيابـه منيعـه اللـي يمنعــه مـا يذكيـــه وفيصـل بذكـراه الســقاييـن تأنـس فـك الـذي صكــوا عليـه الفـوار محســوب وحـده عـن ثمانين فـارس في حومـــة الهيجـا سـعد من يناديه وذولا الكوامـل عدهم حسـب الأســناد ربيــع عبد الله ومـزغـت وعبـــاد وميمـون زاد المـوت كم منهم امجــاد تحمي ذمـار القـوم والســيف ترويـه جـري وابن حـريـش شـرابة الكـاس كـم نـزّلوا من بيـن الأمتان مـن راس في حـومـة الميدان هـم وابن قرنـاس وابن شــرار المعتـرف له مقاســيه كـان الشـويب رمز للجـود والطـيب وميمـون عنه تصــك كـل المطاليب نزالــة الحـزم المطــرّف هل الغيـب شـعارهـم مدري يفسّـــر بـما فيـه الاد الصعيبـي مثلهـم مثل ميمــــون ويـم الشــتاوى في نسـبهم يضـدون هـاجـد وابن درويـش منهـم يعـدون ومطلــق مخلّـص لازمـه دون عـانيه ابـن لويحـق وابن نيـف اهـل الثــآر قطـاعـة الخيفـــه علـى فـج الأزوار تشـهد لهم بيض الصحايف بمـا صــار الكــل منهــم حقـق الثـأر فـي ابيه يـوم القبايــل شــاركت في الحديـده في جيـش ابن مقـرن روتـه القصيـده ابن صغيّــر لـه فعـول حميــــده ورزيــق ابن مضحي شـهوده باياديـه طايـع ومسـعد فعلهـم مـا نســـيناه ومعـاود اللـي قدّمــه فعــل يمنــاه حنّـث على جمـع العـداء مـا يتعــداه ميتيـن من جيــش المعـادي فـداويـه وذولا بني شـالح ما فيهـم ضعيفـــي في عهـد ابن مقــرن وعهـد الشـريفي كــم معتدي جاهـم وقفــى معيفـــي يطلـب ســلوم الحـق والحـق تعطيـه ســاد النصـافي قبـل وابن زهيميــل ســـادوا مع الحكـام جيـل بعـد جيـل ثم ســاد ابن شــلاّح ماض الأفاعيــل زيــزوم ربعـه كل مشــكل يســـويه حــامد بنى مجــد القبيلـه مـع الضـد عن ديـرته خصمـه الــى هــدده شـد ما يمهـل الضـد المعـادي الــى الغــد خطر على الأعـداء حثيثــه مغــازيـه وذيـاب ابن عــامر له آثـار وافعـــال منه اســتفاد رجـال واجيـال واجيــال كنـز الأداب لمـن طلـب فضـل الأعمـال نجـم الســعد تقطف ثمـاره نواميـــه الاد الهويمـل هـم وشـــالح بني عــم بيضــا مواقفهــم بعيــده عـن الـذم مـن يطلبونــه دم منهــم مـا يســلم واليا ســلم كــل القبايـــل تهنيـــه مزيــد عن خمســين في حـزة الضيـق كــم حـرجـة فيها يفـك المواســـيق اليـا غطـرّفـن البيـض خلف العشـاشيق والنكــري اللي ضمّــر الهجـن تلفيــه عمـوم شـيوخ مطيــــر لبّاسـة الجوخ فرسـان في الهيجـا وفي المجلـس شـيوخ علـوى منزهـة المجالـس عن اللـــوخ ينصــاهم اللي بايــداة ســــماريـه كـان التفــاهم بينهـــم بالنصــاحـي عقــب التبـاعـد بينهـم بالمشــاحـي لين اســـتقر الـوزن بين الشـــحاحـي والكــل منهم وافيـــات معـانيـــــه أول تفــاهم صـار حــول ارن والعيــن قام الـدويــش وقـام جنبـه فريقيـــن والكــل منهم يتبعــه فـــوق الألفيـن وكثــر العــدد للرجـل قــوة تنشــميه شــد الدويـش وحـل بمويـه هكـــران ميتيــن عـام امضى محمــد ووطبــان ثم انحـــدر يبــراه خيــل وســلفان وخلــى الحفــر ومويـه للي نـزل فيـه يبــرى له الرخمـان وجبــلان والسـور قبـايــل يــوم القســى جالهــا دور كـم فارس منهــم له المـدح منشـــور فيحــان جــاب اللي جــواده مخليــه كـم لان للدوشـــان عـاصي ومطــواع اخــوان جــوزا مثل فيصــل وهــزاع للي يكيـل المـد يوفــون لــه صــاع يشــهد لهم نجــد المسـمى بماضيـه واللي دخـل في العبــدلي مـن ربيعـــه اهــل الحميــا والصــدور الوسـيعـه آلاد وايـــل كاسـبين الصنيعــــــه الــزود عن مـن هـو زبنها تعــديــه ثـم قامـوا البديـن بنبـــذ الفواصــل وتحـالفـوا في حلـف ســموه واصــل تــروي الـرواه اخبـار ما كـان حاصـل العبــدلي وبريــه قــرّة بمــا فيــه عشـــرين شــيخ موقعيـن الـوثيقـه من ضمنهـم مدســوس قـاضي الحقيقـه بخــط ابن وســميه اوضـح طـريقـه حلف العــوارض والعقــص كان داعيه الاد صنـدل فعـلهم يرفـــع الـــراس حمــوا حجيــج البيـت من كـل بـلاس ميـزه لهم في مطيـر سـاس على سـاس يشــهد لهم تاريــخ مكتــوبةٍ فيـــه أول مـا حـوّل مـن بريــه البـــرازي اللـي جــذبهم مــن جبـال الحجــازي أبطـــال والأبطــال تهـوى المغــازي عشــرة بـدود بريــه مااحد يعـاصيـه شــهر من الصعـران نايـف ويعقــوب يعقـوب مـن بيـن الحمـادين محســوب وابـن بصيــص يزبنـه كـل مطلــوب لعـداه ســـم وجـرح ربعـه يـداويـه وســامة الجــرفـه لهــم دور بـارز بيـن القبــايـل مثــل دور المبــارز تخشــاهم الأعـداء كخشـي المحــارز إن قيــل ديحـاني تخطـــوا مفـاليـه حنــا مطيــر إن جاء نهـار العـزاوي أفعـــالنا تخلــف كثيـر الهقـــاوي نخلـف حظـاوي من نصـانـا رهــاوي طــب الكبــود وسـم للي نعـاديــه اللي يعــد مطيــر ما احصـى عـددها مــن فعلهــا الحســاد كـل حسـدها تجلــي اللـوايم ما تجـي فـي سـددها تحمي الذمـار وشـامخ العــز تبنيــه اليــا تحــدانا من الناس مخلـــوق نفخــر بماضينـا وناتيـه من فــوق ابيـض من القرطـاس نبـرا من البـوق والناس فيهــم مثلنـــا دون عانيــه مطيــر حنـا اللي بعيـــد مــدانـا ســـجل لنا صـاهـود بعد مغـزانـا اليــا ركبنـا الخيل جظــت عـدانـا شــــيخ يعادينـا وشــيخ نصـافيه انشـد فيافي نجــد عـن كـل هيّـــه يـوم الشــماســـيه وفي الحـرمليـه ويــوم الرضيمــه خلـو الشــاذليـه وراعي الحســاني بالحســاني نجازيـه كــم معجـزه منـا على غيرنـا جــات صبحــه ومشـذوبه وفي العــاذريـات صـارت مع الحكـام في ماضي الأوقــات والكـذب عيـب الرجـل والصدق ينجيــه منـا افـرس الفريـس حامي الكســـيره ومنـا اشــجع الشــجعان يوم المغيـره ومنا اصــدق الشـعار يـوم الحشــيره يـوم ان قـول الشــعر تنقد مســـاويه مطيـــر ياكـم خـاظوا الشـر والخيـر مـع دولـة التوحيـد كـم تذكـر مطيــر يشــهد طـلال الهـم ويشـهد جبـل كير وتشـهد مناخات المربــع وصحـاريــه وتشــهد لهم عانـه ويشـهد شـليويـح يوم اسـمر في خيلهــم عـذب الفيــح وتشـهد لهم شــمّر ويشــهد طليفيـح ويشــهد لهـم راكان والبحـر حـاديـه سـبعة بيـارق كســرة فـي الفجاجـي اللـي عليهـا الطيـر غــرّد وراجــي بحــرة بني عبــد الله ام المحـاجــي الذيــب وايا الضبــع منهم نعشـــيه واصـل وعـلـوى في اللـوازم مقيمــه نشــرب بهــم يـوم الضـوامي محيمه وزعيـم شــمل مطيــر راع العـزيمه صميـدع واهــل المهمـات تغــليــه ســبعة سـنين الحـرب والخيل سـرجا دارة ما بين مطيــــر والصلـح يـرجا ثـم انتهــت بالعــدل في صلح عـرجا ودخيــل فدغـوش المريخـي يعـزيـه أول صـراع مطيــر مـع روق وسـليم فـي عاليــة نجـد المسـمى مراسـيم من الحجـاز اليا القـرى مرتـع الريـم والكـل منهم عــز ربعـه يـذريـــه وثـاني صــراع مطيـر مـع ال هـذال اخوان بتــلا حاربوا خمسـة اجيـــال ثـم مـع العجمـان في حربهــا سـجال وابن عريعـر مرتـع الصيـد حــاميـه وثالث صــراع مطيـر حـرب ابن هـادي جـاء من تهامـه معــه مثـل الجــراد ياطـا شــناخيـب الوعـر والقصــادي يسـمع صدى فعلـه على مـن يفاجيــه ورابـع صـراع مطيــر جاء مع عتيبـه ايـام وليــالـي قضتهـــا عصيبــه منــا منهـــم كـم تحــت النصيبـه والكـل منهــم يشـكي اللـي يواليــه واخـر صراع مطيـر مع شـمر وحـرب اصهـار لنـا والمنازل علــى قـــرب حديــد حــد مـن شـمال ومن غـرب وكـم خيّـر راســـه يفكـه بناخيــه شـمر مرويــة السيوف السـناعيــس علـى ظهـور الخيـل جونـا كراديــس وحنـا الى منا قضبنــا المتـــاريـس طريحنـا منهـم يضيــع الــدوا فيـه مطيــر كــم خاضت بحـورٍ غـوارق نالوا من الشـهره كمــا نــال طـارق كم شــيخ قـومٍ كان يقـدا البـــوارق ســيوف علوى شرعت في عـلابيـــه زالــت تـواريـخ وهــذي تـواريـخ واهــل اللـوازم فاللـوازم منـاويــخ وكـل وقــتٍ لــه سـلاح وصـواريخ ومن لا يعـرف الصقـر لاشـــك يشويه كانـت كواكب وقتها اشــهر كواكـــب تحمــي بهيبتهـا بيـوت العناكــــب يــوم القبايــل تدّحــم بالمناكـــب يـوم الخـوي والجـار والظيـف تعنيـه واليــوم فينـا مشـهريــن الأسـامي لهــم مكانــه مــع رفيــع المقامي فيهــم علــى ما قيــل حـرٍ قطـامي لاجيــت تبي منه كـــن انـت تعطيـه وفينـا مـن الشـــعاّر من يحكم القـاف حنيــف وشــليويح في قـول الأنصاف يشـــهد لهم مسـتور ومطلق وصيـاف وحكّـــام نجـــد اللي تفســر معانيه يدعـوا بربــع مطيـر ويمثلـوا ربــع والــذب عن عـرض القبيلــه لهم طبع والشــعر له رونـق مع الماهـر السـبع ســلاح سـلم وحــرب للي تعـاديــه وســعد ولد ســلطان مكـرم هل الكيف رد البـرا للــي يغنــي الغطـاريــف هو يحسب ان مطيـر تصبـر على الحيف مـن لا تـدرا جـاه من لا يــداريـــه وفيهــم علـى ما قيـل حسـن التحرف ينفــع لربعـه والصـديق المطـــرف حــرٍ عـن الـزلات دايـــم مطـرّف ابو ذيـــاب اللي بعيـــده مراميــه متعـب كما البلسـم مجـرّب ومعــروف يدري به اللي جــاه في حـزة الخـوف وعنـد الأقــارب والبعض غير معـروف كالعـــود بارض العـود ما يعتنى فيـه وكـم قايــدٍ منا بــرز فـي المسـيره رجّــال دوله فيــه عـرف وبصيـره ســيفٍ لوالي الأمر فــي كــل ديره وتشـــهد مهاراته بوضع الثقـه فيـه مطيـر تعــرف رجالهـا بالجســـامه بطيبــة محيـاهـم ومعـها ابتســامه هـذي علامتهــم وازيــدك عـلامـه تشــعر بأمــان الرجـل حزة تخاويـه كــل القبايــل تفتخــر في فعالهــا وسـط المجالــس لـو ماحـدٍ يسـالها ومطيــر تفخر الى حضـرها مجـالهـا الكـل منهــم فعـل ربعـه ينشـــميه اليـك قطـره من بحـر ما ذكــرنــا يــوم اعتـلاج التــرك ياكـم سـهرنا كـم ســطرت كتـب الكياتـب خبــرنا وكـم شــيخ تـروى قصتـه ما نسميه ولا فضــل لمطيـــر القبيله على قـوم ما فيه مخلـوق مـن النقـص معصــوم وما فيه قــوم إلا لهـا الطيـب مرسـوم ســـارت به الركبـان تروي حكـاويـه عشـرين عـام ابحث مع اهــل النوايـر واسـوق مـن مالـي عليهــا بشــاير والعــذر للي ما ذكـر من عشــايــر وسـعي بذلـت وكـل خـاطـر نداريــه واشـكر جميـع اللــي هدفهــم هدفنـا هــذي الجهــود دفاعنـا عن شـرفنـا للـي قضـى عمـره وهـو مـا عرفنــا ولا فيــه حـق إلا نقصـه باثـاريـــه الفخـــر لله ثــم لابـن الســـعودي بالشــرع ليّـن شـامخـات الحيــودي اضفـى علينـا الأمن وارســى الحدودي واللي يحـزم الــراي يحصـد قوافيــه واليـوم صـارت نجـــد لنا مبــــره ننـــزل مـن الحـره الى اقصى المجـره مـن فضـل ابو تـركي وخيـره وبـــره الله على فعــل الحســاني يجـازيـــه يا نجــد تفخـر بـك جميـع المطابـــع اســـمك يشــرّف طابعـه بالأصـابـع الله يجيــرك من شــرور الــزوابــع جــودي بمخــزونك وتـاج الفخـر فيـه هـذي ميـة عـامٍ قضيتـي علـى العـــز في ثوبـك الثالــث مطــرز من الخـــز ثـوب الســعاده والشـرف غـالي البــز دمتـي لمعشــوقك ودامـت مســاعيــه عبدالعزيـــز اللي بســـيفه قهــرها امّــن منافــذها وخــرّج دررهــا لبسـت حـللهــا ثم شعشــع قمـرها نجــد العــذا قــامت تبســـم فيافيـه كـم عاشــق يهــواك بليــا خســاره حتى انتضـى بالســيف نمـر النمـاره وامهــرك حـاض المـوت والمــوت زاره اخلـص بــدينه لك بعــد ما عشــقتيـه واللي ســلك دربه من الأســد الأشــبال عقبــان نجـــد اللـي لهـم مجـد وافعال تضــرب بهم فـي وقتنا اليــوم الأمثــال زبــن الضعيـف اللـي عـدوه مجليـــه خيـر الخلف لخيـر السـلف حكم الأسـعود يقـال بيت الجــود ما يعــدم الجــود كالطيب طيب العـود من فاخـر العـود مثـل الــذهب معادنـه من مجـانيـه قلتـه وانـا مانــي بشـــاعر معــاعي ولاني على اهـل الشـعر رافع شـراعي هــاض الضمير وكـان داعيـه داعي وقلــب العنـا موجات الأفكـار تدعيـه هــذا وصلـوا يا مــلا كل ســاعـه على الرسـول اللي بـرز بالشــجاعـه يامـر بوصـل الرحـم وترك القطاعه والله بفضلـه جـاريـاتٍ حسـانيـه |
| من موقع قبيلة مطير |